കൃതികള്‍
- വാതിൽ
- രാഷ്ട്രതന്ത്രം
- കോരിത്തരിച്ച നാൾ
- വയൽക്കരെ ഇപ്പോഴില്ലാത്ത
- പ്രണയശതകം
- യാത്രാവിവരണം
- പുറപ്പെട്ടു പോകുന്ന വാക്ക്
- ലേഖനസമാഹാരം
അതേ ആകാശം അതേ ഭൂമി - നോവൽ
പാലേരിമാണിക്യം ഒരു പാതിരാക്കൊലപാതകത്തിന്റെ കഥ - കെ.ടി.എൻ. കോട്ടൂർ എഴുത്തും ജീവിതവും
(ഇവ രണ്ടിനും സംവിധായകൻ രഞ്ജിത്ത് യഥാക്രമം പാലേരിമാണിക്യം ഒരു പാതിരാക്കൊലപാതകത്തിന്റെ കഥ (ചലച്ചിത്രം), ഞാൻ (ചലച്ചിത്രം) എന്ന പേരുകളിൽ ചലച്ചിത്രാവിഷ്ക്കാരം കൊടുത്തു.)
മത്സ്യം കവിത
മണൽത്തരിയോളം പോന്നൊരു
മത്സ്യം
കടൽത്തരിയോട്
ഒറ്റയ്ക്ക് പൊരുതി നിന്നു.
വെയിലേറ്റങ്ങളുടെ
വൈകുന്നേരങ്ങളിൽ
അവൻ
എല്ലാകൊടികൾക്കും മുകളിൽ
ഒഴുക്കുകൾ ഉൾവലിയുമ്പോൾ
എല്ലാ രഹസ്യങ്ങൾക്കും അടിയിൽ.
വലകണ്ണികൾക്ക്
അവനോളം ചെറുതാകാനായില്ല ;
ചൂണ്ടക്കൊളുത്തുകൾക്ക്
അവനെപ്പോലെ വളയാനും .
വായ്ത്തലകൾക്ക്
അവന്റെ വേഗവും കിട്ടിയില്ല .
അവനെ
പരുന്തിൻ കണ്ണുകൾക്ക്
കോർത്തെടുക്കാനോ
ഉപ്പുവയലുകൾക്ക്
ഉണക്കിയെടുക്കാനോ
ധ്രുവങ്ങൾക്ക്
മരവിപ്പിക്കാനോ കഴിഞ്ഞില്ല
നക്ഷത്രങ്ങളും
അവതാരങ്ങളും
അവന്റെ
തലയ്ക്കോ വാലിനോ മുകളിലൂടെ
കടന്നുപോയി .
അവൻ
ഒരു കഥയിലും പിടികൊടുത്തില്ല
ഒരു കണ്ണാടിയിലും കാഴ്ചയായില്ല
ഒരു ചന്തയിലും നാണം കെട്ടില്ല .
കടലിന്‍റെ
ഭ്രാന്തുപിടിച്ച രക്തത്തിലൂടെ
ചുട്ടുപഴുത്ത സൂചിപോട്ടുപോലെ
ഓടിക്കൊണ്ടിരുന്നു ;
പിന്നിൽ
തന്നെക്കാൾ വേഗത്തിൽ
കടൽ
ദഹിച്ചു ദഹിച്ചു വരുന്നത്
അറിയാതെ.
ഓര്‍മ്മിക്കാന്‍ സൂചനകള്‍
- കടല്‍ത്തിര
- മണല്‍ തരി
- ഒറ്റക്ക് പൊരുതുക
- വേലിയേറ്റം - എല്ലാ കൊടികള്‍ക്കും മുകളില്‍
- ഉള്‍വലിയുക- രഹസ്യങ്ങള്‍ക്ക് അടിയില്‍
- വലക്കണ്ണി - അവനോളം -ചെറുതാകില്ല
- ചൂണ്ടക്കൊളുത്ത് -അവനെപ്പോലെ വളയില്ല
- വായ്ത്തല - അവന്റെ വേഗം കിട്ടില്ല
- പരുന്തിന്‍ കണ്ണ് -കോര്‍ത്ത് എടുക്കില്ല
- ഉപ്പുവയല്‍ - കള്‍ക്ക് ഉണക്കാന്‍ സാധിക്കില്ല
- ധ്രുവങ്ങള്‍ക്ക് - മരവിപ്പിക്കാന്‍ സാധിക്കില്ല
- നക്ഷത്രങ്ങള്‍ , അവതാരങ്ങള്‍ - തലയിലോ വാലിലോ കടന്നു പോകും
- കഥയില്‍ പിടി കൊടുത്തില്ല
- കണ്ണാടി -കാഴ്ച ആയില്ല
- ചന്ത - നാണം കെട്ടില്ല
- കടല്‍- ഭ്രാന്ത്‌ പിടിച്ച രക്തം - ഒഴുകി നടന്നു,
- കടല്‍ ദഹിച്ച് ദഹിച്ച് വരുന്നത് അറിയാതെ
No comments:
Post a Comment