പി.എ. ഉത്തമൻ എഴുതിയനോവലാണ് ചാവൊലി. ഈ കൃതിക്ക് 2008-ലെ കേരള സാഹിത്യ അക്കാദമി പുരസ്കാരം ലഭിച്ചിരുന്നു. ആഗോളവൽക്കരണത്തിന്റെയും വിപണി സംസ്കാരത്തിന്റെയും കെടുതികൾക്കിടയിലൽ നിന്ന് ചെറുത്തു നില്പിന്റെ ബലിഷ്ഠമായ വേരുകളായി ഉത്തമൻ അവതരിപ്പിക്കുന്ന ‘ചാവൊലി’ നാട്ടുമൊഴികളുടെയും നാട്ടറിവുകളുടെയും വീണ്ടെടുപ്പിനെ കുറിച്ച് നിരന്തരം ഓർമപ്പെടുത്തുന്നു. ഇതിവൃത്തം, രൂപഘടന, കാലാവിഷ്കാരം, ആഖ്യാനരീതി, ഭാഷ എന്നിവയിലെല്ലാം ദളിത ജീവിതവുമായി ഐക്യപ്പെട്ടു കൊണ്ടും വ്യവസ്ഥാപിത നോവൽ രീതികൾ ലംഘിച്ചു കൊണ്ടും ‘ചാവൊലി’ നാം പരിചയിച്ചതല്ലാത്ത മറ്റൊരു നോവലായി മാറുന്നു, വ്യവ സ്ഥാപിത നോവലിന് എതിരെ നിൽക്കുന്ന മറു നോവൽ.
